ليه بنحب بعد كل ده

بعد كل ده ولسه بنحب ... طيب بنحب ليه بقى .. ؟؟!!



ولسه بنحب بنحب ؟؟!!

ليه بندور عليه في كل مكان ؟

ليه لما بنشوف حد او بترتاح لحد اول حاجه تيجي في بالك
يا تري هحب الشخص ده طب ياتري هو هيحبني ؟

وياه لو عنينا وقعت علي اتنين قعدين في مكان بيحبوا بعض
بدون اي ادراك او وعي تلاقي نفسك بتحسدهم علي اللي هما فيه

ولو جت اللحظه اللي قلبك دق فيها
تبدا في التردد والحيره

هتصارحه لا متصارحهوش

تسهر بالليل تفكر فيه ولو غمضت عنيك تحلم بيه

يبقي الحب حيره وقلق .. طيب ليه بنحـــــــب ؟؟

ولسه بنحب بنحب ؟؟!!

واخيرا تجيلك الشجاعه انك تصارحه قلبك بيدق لحظات انفعال
مشاعر متدفقه جدا
عذااب من الخووووف

يبقي الحب عذاب .. طيب امال ليه بنحب ؟


ولسه بنحب بنحب ؟؟!!

نتخيل
لو الشخص اللي قدامك بادلك نفس الشعور ساعتها هنشوف الكلمه احلي كلمه
بتتقال مش مجرد كلمه لا اغنيه ناعمه رقيقه اغنيه حولتك من العذاب اللي كان
من شويه لعصفور بيزقزق في سماء الحب
الاغنيه دي خلت لسانك ينطق بوعود ممكن تقدر توفي بيها وممكن متقدرش توفي
لان مش انت اللي قولت ولا عقلك فكر
قلبك ادي تنبيه للسانك ينطق بالكلام ده

طيب يبقي الحب عجز يبقي ليه بقي بنحب ؟؟


ولسه بنحب بنحب ؟؟!!


وتمر الايام وتيجي المشاكل بكل انواعها هخطبها امتي هنتجوز ازاي مفيش فلوس هعمل ايه عايز اعيشها ملكه هتقدم لاهلها ازاي



يبقي الحب بيجيب مشاكل .. يبقى بنحب ليه بقي ؟؟



ولسه بنحب بنحب ؟؟!!

بعد كده ربنا يوفق ويتجوزوا الحب ده هيقل وهيضطر يخدعها بكلمة بحبك مع انه مبقاش حاسسها زي زمان


يبقي الحب خداع ... يبقي بنحب ليه بقي ؟؟



ولسه بنحب بنحب ؟؟!!


قالو
عن الحب قوة , قالو عن الحب وفاء , قالو عن الحب سعادة , قالو عن الحب صدق
.وقالو كمان عنه عذاب .. وقالو عنه خداع .. وقالو كمان وهم


طيب بعد كل ده لســــــــــه بنحب؟؟





اه طبعا لازم نحب هو فيه حد يقدر يعيش من غير حب

مع كل ده الحب هو اللي بنتنفس بيه
وشوية البهارات دي كلها
يمكن تكون احلي ما في الحب

نحب ونتعذب ونتجرح ايه يعني ونقوم تاني
مش احسن ما منحبش خالص