ياترى فى بنت تستاهل دموعك

كتير
اوى اوى بيبكوا ودموعهم بتنزل علشان خاطر واحده تعالوا بقى نشوف ياترى
الواحده دى تستاهل دموعك ولا لا يالا بينا

هنتكلم على شويه مواقف ودى الى شوفتها فى اصحابى
الى مكنتش اتمنى انهم يكونوا اصحابى علشان فى يوم دموعهم نزلت علشان واحده

النوع الاول: الحب من طرف واحد

النوع ده من الشباب(الاولاد) نلاقيهم
بيحبوا فى صمت ياعنى الطرف الثانى(البنات) ميعرفش بحبهم ليهم

نروح بقى للنوع ده نلاقيه قاعد يعيط يعيط
يعيط بليل والصبح قبل الفطار وبعد العشاء طول النهار يعيط ويدعى ربنا ان البنت الى بيحبها تحبه وتحس بقلبه زى عبد
الحليم (بحبها ياريت ياشوق توصلها ويحس بيا قلبها )

تعالوا بقى نروح للطرف الثانى
(البنات) نلاقيها قاعده تضحك مع حبيبها وفرحانه وانت قاعد تحرق فى دمك
واعصابك وياسلام بقى لو عرفت ان واحد تانى
بيحبها وسهران الليل علشانها تقعد تتريق عليه وتخليه نكته تحكيها لكل
اصحابها وممكن تنزل النت ويتفضح الواد فضيحه البلحه المقمعه

فيترى النوع ده
يستاهل انك تبكى علشانه نوع مش هيسال عليك فى يوم ولا هيعبرك

النوع الثانى : فسخ العلاقه

نروح للنوع ده نلاقى اتنين بيحبوا
بعض وعايشين قصه حسن ونعيمه الجزء الثانى ولظروف غامضه لا يعلمها الا
المفتش كرومبو نلاقى العلاقه انتهت

نيجى للشاب نلاقيه قاعد يعيط صبح وليل ليل وصبح وبرضو قاعد يدعى
ربنا ان العلاقه ترجع تانى او يلاقى حل للمشكله ويفضل يحرق اعصابه ودمه
وينسى حياته كلها :

نروح للبنت ونبص عليها نلاقيها بتعيط
ونقول احنا كنا ظالمين البنات بقى اهى البنت بتعيط لانها سابت حبيبها
وفجاءه نلاقى البنت وقفت الدموع وتسال نفسها وفيها ايه ان حبيبى سابنى انا
كلها ربع ساعه واحب تانى هوه انا وحشه ولا ايه ده انا نص مصر بتجرى ورايا
(تلاقيها مسجله خطر )

فيترى
النوع ده يستاهل انك تبكى علشانه نوع نسيك بسرعه ومش فارقه معاه

المهم دول كانوا نوعين من الى شفتهم من
اصحابى وفى كتير طبعا بس بصراحه زهقت من حال الشباب اليومين دول ربنا
يهدى جميع المسلمين

مفيش بنت فى الدنيا تستاهل دمعة تنزل عليها

» ياترى فى بنت تستاهل دموعك
» لو تستاهل ضع تعليق
» وفر دموعك ومتبكيش تانى علي
» ليه نزعل وليه نضايق عيش حياتك ومفيش حاجه تستاهل