يوم عيد حب بوجود تامر
وهيبقى عيد للخير بينا احنا وبوجودنا
أكبر وانجح حفلة خيرية فى مصر تامر حسنى هيعملها
وعايز احنا نكون ابطالها ..جمهورة هيكون معاة
الحفلة دى اتعملها اعلانات من زمان ..حفلة كبيرة لمنتخب مصر بعد احداث ام درمان
ووقفت بسبب التصريحات الأمنية ودلوقتى الحفلة رجعت تانى وميعادها معلن عنة وكلنا هنحضر
الحفلة دى خيرية لمنكوبى السيول فى مصر
هنحتقل بيها بمنتخبنا وانتصارة وتامر عندة اكتر من فكرة جميلة هينفذها فى الحفلة
زى ما دايما مجمعنا على الخير واحنا دايما بنجرى على الخير وعشان كدة
النهاردة وفى الظرف دة بجد كلنا هنكون رجالة وجدعان ومصريين بجد
كل واحد فينا هيكون سفير للحفلة دى ..دعاية فى كل مكان
كلنا هنتبرع ونحضر ونشوف تامر ونغنى معاة فى حب مصر زى ماهو دايما بيحمسنا
وبيقود كل حاجة جميلة بنعملها
وحبنا لبلدنا زاد فى قلوبنا علشان حبة هو لبلدنا
اغانية وحماسة وقوتة وفرحتة ببلدنا وخوفة عليها
وعلشان هو قريب مننا وقريب لكل الشباب ..بنحسة وبنصدقة وبنكون معاة
---------------------------------------------------------------------
نيجى لتفاصيل الحفلة
الحفلة يوم 2010\2\12 فى مركز شباب نادى الجزيرة
الحفل هيبتدى الساعة 7 مساء بس طبعا احنا هنكون هناك من بدرى
واسعارالدخوللحفلة 30 -100- 500 جنية
وكل المبالغ دى تبرعات
وهنعرف بعض من لبسنا (الوان علم مصر) ومن بوسترات الرابطة
كلنا هنتجمع ادام بوابة مركز شباب الجزيرة
أجمل يوم هنقضية فى حياتنا ..عيد حب ..وعيد للخير وعيد علشان هنكون مع تامر
حملة خيرية كبيرة كل واحد فينا هيكون لة دور فيها ومش هتكمل غير بينا احنا
تامر حسنى متبرع بأجرة هو وفرقتة الموسيقية
والمنظمين متبرعين و الحفلة هتتذاع على التليفزيون وفى قنوات مزيكا
وايراد الاعلانات بردو هيكون لمنكوبى السيول والناس المشردة من غير بيوتها